Генералното собрание на Обединетите нации ја прогласи 2021 година за Меѓународна година на мирот и довербата со цел да ги мобилизира напорите на меѓународната заедница да се обезбеди траен мир, солидарност и хармонија.

Министерството за култура и Министерството за образование и наука на Република Северна Македонија почнуваат иницијатива за приклучување кон прославата на оваа Меѓународна година со програма посветена на еден од великаните на македонската култура, Блаже Конески, по повод стогодишнината од неговото раѓање.

Денот на кој се родил овој исклучителен културен деец е запишан и на Листата на УНЕСКО за одбележување значајни јубилеи во светот во текот на 2021 година. Носејќи го нашето училиште името на Блаже Конески имаме завет да го продолжиме неговот делото пренесувајќи го на нашите најмлади и негувајќи ја традицијата и културата за која се залагаше Блаже Конески. Нашето мото е ИДНИНАТА Е ВО НАШАТА УЧИЛНИЦА, затоа да ја негуваме и да вложуваме во таа иднина, внимателно да ја обликуваме затоа што таа иднина е нашата младина а она општество кое вложува во својата младина има сигурна иднина.