По стапките на Конески

Новата учебна година ја започнавме спремно, се огласи првото училишното ѕвонче, но„падна“ и првата награда. Имено нашата ученичка од деветто три одделение, Мелани Ѓоргеска, под менторство на наставничката по македонски јазик, Виолета Христоска, доби награда за своите стихови по повод конкурсот објавен од КЕЦ „Небрегово“. Доделувањето на наградите и промовирањето на книгата „Конески е бесмртен“ се одвиваше амбиентално, во спомен куќата на Патронот, чие име го носиме и чие име никогаш нема да го изневериме. Доказ за тоа е нашето бројно присуство на промоцијата како и активното учество на сите настани поврзани со ликот и делото на Блаже Конески.