Учениците од V-1 одделение денес го посетија Погон 2 од фабриката „Витаминка“ . Нашите петтоодделенци имаа можност одблизу да се запознаат со процесот на производство на некои од нивните омилени производи.
Сакаме да упатиме огромна благодарност до тимот на „Витаминка“ за исклучително срдечниот пречек, професионалноста и трпението со кое одговорија на сите љубопитни прашања на децата.
Оваа посета беше многу повеќе од обична екскурзија. Преку неа, учениците научија дека знаењето не се стекнува само во училницата, туку и преку набљудување на секојдневниот живот и реалните работни процеси. Ваквото искуствено учење им помага на децата подобро да го разберат светот околу себе и да ја ценат работата и трудот на луѓето.
Се вратија полни со нови знаења, позитивна енергија и убави впечатоци!
Галерија.
