Да го одбележиме светскиот ден на ретките болести.
Учениците од трето 3 одделение заедно со нивната наставничка Ангелка Баракоска и образовниот асистент Јулијана Митрикеска овој ден го посветија на децата со аутизам преку заедничка работилница „Живата библиотека на различности“
„Живата библиотека на различности“ има за цел да им помогне на учениците да ја разберат и да ја ценат уникатноста на секој човек. Наместо книги, секој ученик станува „жива книга“ што носи своја приказна – преку збор, боја, звук или симбол. Активноста промовира емпатија, прифаќање и почитување на различностите, особено во контекст на Денот на ретки болести. Таа им овозможува на сите деца, вклучувајќи го и ученикот со аутизам, да учествуваат на свој начин и да покажат дека секоја „книга“ е вредна и неповторлива.
