Во рамки на одбележувањето на „Неделата на детето“, учениците од нашето училиште ја презедоа улогата на наставници и одржаа работилница за изборниот предмет „Пчелите и нивната улога во зачувување на природата.
Малите „предавачи“ објаснија зошто пчелите се клучни за опрашувањето, како придонесуваат за здравата животна средина и кои опасности им се закануваат денес, преку изработените квизови. Нивните врсници имаа можност да одговараат на прашања, да учествуваат во мини-квиз и да научат како секој може да помогне во заштитата на овие вредни инсекти.
Настанот беше вистински пример за детска креативност, соработка и еколошка свест. Учениците покажаа дека кога децата учат – учат со срце, а кога учат други – инспирираат промена.
Галерија.
