Во духот на детската радост, другарството и училишното заедништво, денес во нашето училиште со пригоден настан беше одбележана Детската недела. Учениците, наставниците, стручните соработници и родителите заеднички придонесоа за создавање прекрасна атмосфера исполнета со насмевки, креативност и позитивна енергија.
Посебен момент на денешната свеченост беше свечениот чин на давање заклетва на нашите најмлади ученици, првачињата, со што тие симболично го направија својот прв чекор во училишниот живот. Овој значаен настан беше проследен со голема возбуда, радост и гордост од страна на учениците, родителите и наставниците.
Упатуваме искрена благодарност до стручните соработници, наставниот кадар, учениците и родителите за нивната поддршка, посветеност и заеднички придонес во успешната реализација на активностите по повод Детската недела.
Заедно продолжуваме да градиме средина исполнета со љубов, разбирање и грижа за нашите деца, затоа што тие се нашата најголема инспирација и иднина.
Среќна Детска недела! 🎈📚🎉
Галерија.
