„Сите среќни семејства наликуваат едно на друго, секое несреќно семејство е несреќно на свој начин“ – Л. Толстој.
Денес е одбележан Светскиот ден на семејството. По тој повод училиштето беше домаќин на членови од здружението Преродба и писатели од нашиот град.
Активностите беа во организација на наставниците: Лидија Котеска, Виолета Христоска, Маја Кузманоски и Наташа Ристеска Проданоска, а со поддршка на директорката Мартина Пројческа. Ученици од осмите одделенија презентираа содржини за значењето на семејството и неговата важност во формирањето на личноста на човекот.
Семејството е вечна инспирација. Поетите Блага Тутеска, Марија Ѓорѓиоска и Вера Искова споделија пригодни стихови со присутните.
Членовите од дружението Преродба ги споделија своите искуства за важноста на семејството и негувањето на обичаите и традицијата.
За спомен од оваа дружба членовите од здружението Преродба добија и постер – Призма, со значењето на зборот ,,преродба“ виден со детски очи. Исто така беа поделени и честитки израбоотени од учениците.
Кога ќе се спојат мудроста на возрасните и креативноста на младите успехот и задоволството се неизоставен дел.
Нека ни е честит Светскиот ден на семејството!
