27 Декември, празници се ближат, ги одбројуваме последните денови, се подготвуваме за испраќање на Старата, но и за дочек на Новата 2024 година.
Нашите драги првачиња кои вредно работеа, па заедно со своите наставнички извојуваа многу мали битки со буквите и броевите, сега радосно го исчекуваат оддавањето на признание за постигнатите успеси од Таткото на градот и добриот Дедо Мраз кој е прочуен исполнувач на детски желби и „засладувач“ на детските дни со бомбони и чоколади.
Низ холот на училиштето ечат песни за добредојде од детските грла, се е раздвижено, весело, полетно, подготвени сме да се впуштиме во празничната авантура!
СРЕЌНА НОВА 2024 ГОДИНА
