По повод 100 години од раѓањето на Блаже Конески, кодификаторот на современиот македонски литературен јазик и личност кој што остави длабок печат на своето време за да зрачи и восхитува во времињата што доаѓаат, учениците од V-4 одд при ООУ „Блаже Конески“-Прилеп го посетија неговиот дом во Небрегово и на достоинствен начин како што доликува на еден ваков великан го одбележаа овој значаен јубилеј.
Чест и гордост е да се биде еден од наследниците на Конески, а уште поголема привилегија е да се биде иднината во зачувувањето на нашиот македонски јазик. Учениците со ветување кон Конески дека ќе го чуваат, негуваат и пренесуваат тоа што им е оставено.
