Во целиот свет на 22 Април се обележува денот на планетата Земја. Оваа година и нашето училиште учествуваше со различни активности под мотото ,,Ние можеме да го промениме светот со нашите две раце”. Целта на одбележувањето на ,,Денот на планетата Земја“ е да се подигне нивото на свесност кај најмладите за зачувувањето на животната средина. Да се укаже на загадувањето на воздухот и водата, како и исцрпувањето на природните ресурси. Учениците да се запознаат со препораките да се инвестира во ефикасни и обновливи извори на енергија со што ќе се намали загадувањето и ќе се забават климатските промени.
Наставничките Викторија Талеска и Елена Стојаноски од ПУ во населбата Варош со своите ученици од V-5 одделение го одбележаа Денот на планетата Земја преку дискусии, проектни активности, пароли и рециклирање на отпаден материјал.
