ООУ„Блаже Конески“ – Прилеп, може да се каже, веќе традиционално, во соработка со Клубот на литературни творци од Прилеп организира натпревари во кои зборот е оружјето, а стиховите се полето за дејствување. Темата на стиховната битка е најсветлиот празник за секое дете, празникот на мајките – 8 Март.
И оваа година нашите ученици од петто до деветто одделение имаа плодна инспирација, од нивните поетски пера се родија 32 квалитетни творби! И бројот и квалитетот на творбите беше за пофалба, мораме особено да ги пофалиме нашите седмооделенци под менторство на наставничката Виолета Христоска. Драги ученици продолжете да читате и творите, на добар пат сте!
