Нашето училиште се вклучи во проектот „Пријателски места за аутизам“. На пригодна промоција на концептот беше доделен сертификат на нашето училиште ООУ „Блаже Конески“, на која присуствуваа голем број на чинители на општествениот и јавен живот од земјата и странство. Промоцијата се одржа на 11 мај 2022 година во „Музејот на македонската борба“ во Скопје.
Концептот „Пријателски места за аутизам“ е создаден за да одговори на потребите на лицата од спектарот на аутизам. Тој е од областа на социјалната инклузија, има за цел да обезбеди поголема пристапност за лицата и децата со аутизам во општеството.
Проектот е финансиран од Еразмус плус програмата на ЕУ и истиот го спроведуваме заедно со асоцијацијата „Призми“ од Малта, две други институции од Малта, Аутизам Европа од Брисел и здружението Леарнинг Десигнерс од Шпанија.
